ფონიჭალაში ცოლად შერთვის მიზნით, არასრულწლოვანი გაიტაცეს.

შემთხვევა გუშინ მოხდა.

გავრცელებული ინფორმაციით, სკოლის მოსწავლე რამდენიმე პირმა საკუთარი საცხოვრებელი სახლიდან გაიტაცა.

როგორც შინაგან საქმეთა სამინისტროში აცხადებენ, მომხდარზე გამოძიება სისხლის სამართლის კოდექსის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.

უწყებაში განმარტავენ, რომ მომხდართან დაკავშირებით საგამოძიებო მოქმედებები გრძელდება.