საქართველოში კორონავირუსით კიდევ ერთი პაციენტი გარდაიცვალა.

საუნივერსიტეტო კლინიკის დირექტორის ლალი ტურძელაძის თქმით, გარდაცვლილი 68 წლის მამაკაცია, რომელიც ბოლნისის კლასტერს ეკუთვნის.

 „სამწუხარო ამბავია გარდაიცვალა მამაკაცი, რომელიც ჩვენთან აპარატულ სუნთქვაზე კარგა ხანს იყო. მას ინფარქტი ჰქონდა გადატანილი, სუნთქვის მწვავე უკმარისობით შემოვიდა და ამიტომაც მოხდა მისი აპარატზე გადაყვანა.

პაციენტს აღენიშნებოდა მიოკარდიუმის ინფარქტის გამო თავისი გართულებები, სასუნთქ გზებშიც გართულებები, რასაც დაემატა ორმხრივი მწვავე პნევმონია, სეფტიური შოკი და სიკვდილის უშუალო მიზეზი იყო ფილტვის არტერიის თრომბოემბოლია.

 ასეთი სახის გართულება ახასიათებს ძირითადად კორონავირუსს. ძალიან ბერვი შრომა გასწიეს ჩვენმა რეანიმატოლოგებმა, თუმცა შედეგი ვერ დადგა კარგი. ჩვენს კლინიკაში პაციენტი იყო 2 კვირის განმავლობაში.- განაცხადა ლალი ტურძელაძემ.