ჟურნალისტი გელა ზედელაშვილი სოციალურ ქსელში ვიზა-ლიბერალიზაციასთან დაკავშირებით სტატუსს აქვეყნებს:
„მაქვს გონივრული ეჭვი:
კახელები წავლენ ევროპაში და 3 თვის შემდეგ დარეკავენ ციმბირიდან - ჩვენი ევროპა აქ არისო!
რაჭველები წავლენ ევროპაში და 3 თვის შემდეგ შუა გზიდან მობრუნდებიან, დროში ვერ ჩავეტიეთო!
იმერლები წავლენ, თან მარგანეცს გაიყოლებენ, ევროპაში ურანი ეგონებათ და დააპატიმრებენ!
გურულები წავლენ, დაიწყებენ: იიაუ, უუაოო... და ეგრევე ამოქმედდება შეჩერების მექანიზმი!
მეგრელები წავლენ, მეგრულ ენას შეასწავლიან ნახევარ ევროპას და სანამ ბრიუსელში აზრზე მოვლენ, დაითესებიან!
ფშავ-თუშ-ხევსურნი მოინდომებენ ცხვრის ფარების გადარეკვას ევროპის საძოვრებზე. ევროპარლამენტში იქნება დიდი დაბნეულობა!
ევროპიდან დაბრუნებული სვანები ატყდებიან, თვითმფრინავი თეთნულდის თავზე გაგვიჩერეთ, ჩავდივართო!
ქართლელები არსადაც არ წავლენ - რა, ვაკე ნაკლები ევროპაა?!", - წერს ზედელაშვილი.