მომღერალმა სალომე კორკოტაშვილმა ამერიკაში გასამგზავრებლად დაფინანსება მიიღო. ამის შესახებ მან თაყვანისმცემლებს „Facebook"-ის მეშვეობით აცნობა.
„ძალიან ბედნიერი ვარ!!!
მადლობა, რომ ასე გვერდზე დგომა იცით! 15 თებერვალს „რუსთავი 2"-ზე ყველა იმ ადამიანს დავასახელებ, ვინც ჩემი ამერიკაში წასვლა დაასპონსორა!
ძალა ერთობაშია", - წერს მომღერალი.
შეგახსენებთ, რომ სალომე კორკოტაშვილი ამერიკული ხმის ჩამწერი სტუდიის „Songbuilderstudio"-ს მიერ გამოცხადებული კონკურისის გამარჯვებული გახდა, თუმცა ფინანსური პრობლემების გამო ის აშშ-ში გამგზავრებას ვერ ახერხებდა. სალომემ კონკურსში 15 000 მონაწილეს შორის გაიმარჯვა სიმღერით „Wayside".