logo_geo
გოგა ხაინდრავა: ელისაშვილის ღირსება საერთოდ არაფერი ღირს, რადგან არ გააჩნიაა და ხურდავდება
- +

20 მარტი. 2017. 23:51


კინორეჟისორმა გოგა ხაინდრავამ  თბილისის საკრებულოს დამოუკიდებელი წევრის ალეკო ელისაშვილის მიერ საპარლამენტო უმრავლესობის წევრის ეკა ბესელიას წინააღმდეგ გაკეთებული განცხადებების კომენტირებისას განაცხადა, რომ ელისაშვილს მის მიერ გაკეთებულ განცხადებებზე ძალიან მკაცრი პასუხი მოეთხოვება.


„ეს არის ერთი ქარაფშუტა, ცრუპენტელა, ღირსებააყრილი არსების განცხადება, რომელიც გარდა იმისა რომ, ყველაფერი ის არის, რაც დავასახელე, თავხედია და ჰგონია, რომ იმ სამყაროში ცხოვრობს, სადაც ქალების შეურაცხყოფა მარტივად დასაშვებია. და ასე ნუ ჰგონია, იმიტომ, რომ მოეთხოვება ძალიან მკაცრი პასუხი. პასუხი მოეთხოვება იმ ადამიანებისგან, ვინც არასოდეს უშვებდა და არც ახლა დაუშვებს ქალების შეურაცხყოფას ამ საზოგადოებაში, მით უმეტეს - ღირსეული ქალების, რომელსაც წარმოადგენს ეკა ბესელია, უღირსი კაცების მხრიდან, რომელსაც წარმოადგენს ალეკო ელისაშვილი", - აცხადებს გოგა ხაინდრავა.


მისი თქმით, ალეკო ელისაშვილის განცხადება, რომ „ეკა ბესელიას ღირსება სასამართლომ 1000 ლარად შეაფასა" იმის დასტურია, რომ ელისაშვილს ღირსება არ გააჩნია.

 

„ალეკო ელისაშვილის ღირსება საერთოდ არაფერი ღირს, რადგან არ გააჩნია ღირსება და ამიტომ ხურდავდება. დახურდავებულ ადამიანებთან მე საუბარს არ ვაპირებ, ისე კი არ ვურჩევ სადმე ქუჩაში ჩემთან შეხვედრას",- აღნიშნა ხაინდრავამ.


მისი შეფასებით, ელისაშვილი ამგვარი განცხადებებით იმ ადამიანების ინტერესებს ატარებს, ვისთვისაც ტრადიციები არაფერს ნიშნავს.


„ალეკო ელისაშვილი ფარჩაკების და უღირსი ადამიანების ინტერესებს ატარებს, იმ ადამიანების ინტერესებს ატარებს, ვისთვისაც არაფერი ტრადიციული საქართველოში ფასეული არ არის. აი, იმ ადამიანების ინტერესებს ატარებს და ემსახურება როგორც ჩანს მთელი ეს პერიოდი", - განაცხადა ხაინდრავამ.


 

big_banner
არქივი