logo_geo
თენგიზ ცერცვაძე: საქართველოში დღეში დაახლოებით 1500-1700 ადამიანი იცრება, ეს მაინც ძალიან ცოტაა, რომ პანდემია დავამარცხოთ
- +

1 მაისი. 2021. 02:16

 

თბილისის ინფექციური საავადმყოფოს გენერალური დირექტორის თენგიზ ცერცვაძის განცხადებით,  საქართველოში დღიურად 1500-1700 ადამიანი იცრება, რაც ძალიან ცოტაა იმისთვის, რომ ქვეყანამ პანდემია დაამარცხოს.

 

„გაანგარიშებებით მივიდნენ დასკვნამდე, რომ ყოველი 300 ვაქცინირებული ადამიანი არის ერთი გადარჩენილი სიცოცხლე იმიტომ, რომ ის 300 ადამიანი რომ არ აგეცრა, 300-დან ერთი აუცილებლად მოკვდებოდა.

საქართველოში ვაქცინაციის ტემპი ძალიან ცუდი იყო, შემდეგ ნელ-ნელა მოიმატა, მაინც ალბათ, გაჭრა ამ კამპანიამ, რომელიც შესაძლოა იდეალურად არა, მაგრამ მაინც მიმდინარეობს.

მასმედია თანდათან აქტიურდება და ვაქცინაციის პროცესს პოზიტიურად აშუქებს, თუმცა, ანტივაქსერული მოძრაობაც ძალიან ძლიერია, უკვე დღეში იცრება დაახლოებით 1500-1700 ადამიანი.

ეს მაინც ძალიან ცოტაა იმისთვის, რომ პანდემია დავამარცხოთ. 5-6 ათასი ადამიანი უნდა იცრებოდეს, რომ ისრაელის ტემპები ავიღოთ. დღევანდელი აცრების რაოდენობა უნდა გაოთხმაგდეს“,-განაცხადა ცერცვაძემ.

big_banner
არქივი