„ჩვენი მაქსიმალური ყურადღება ისევ და ისევ უნდა გადავიდეს პრევენციულ ღონისძიებებზე, რომ შემთხვევების შემდგომი მატება თავიდან ავიცილოთ,“ - ამის შესახებ თამარ გაბუნიამ ჯანდაცვის სამინისტროში გამართულ ბრიფინგზე განაცხადა. ჯანდაცვის მინისტრის მოადგილის თქმით, კორონავირუსის შემთხვევების მატებასთან ერთად, მოსალოდნელია სიკვდილიანობის მაჩვენებლის ზრდა.
„გასული 24 საათის განმავლობაში კორონავირუსის შემთხვევების რაოდენობამ გადააჭარბა 2 ათასს. თუმცა აქვე მინდა აღვნიშნო, რომ ეს გარკვეულწილად უკავშირდება ტესტირების დაბალ რაოდენობას სააღდგომო დღესასწაული პერიოდში. მაგრამ შემთხვევების რაოდენობა მაინც, მაღალი ალბათობით აჭარბებს 1000-ს. 100-დან 1500-მდე იქნება ალბათ მომდევნო კვირის განმავლობაში. განსაკუთრებით საყურადღებოა სიკვდილიანობის მაჩვენებლის (ზრდა), რაც ასევე მოსალოდნელია შემთხვევების მატებასთან ერთად“, - განაცხადა გაბუნიამ.