გურჯაანში, სოფელ ახაშენში მანქანის ხელოსანს მუშაობის დროს ავტომობილი დაეცა.

არსებული ინფორმაციით, ის ავტომობილს აკეთებდა, როდესაც სპეციალურ დანადგარზე დამონტაჟებული მანქანა ჩამოვარდა და ხელოსანი ქვეშ მოიყოლა. სასწრაფო დახმარების ჯგუფმა ის უახლოეს კლინიკაში გადაიყვანა, თუმცა, ექიმებმა მისი გადარჩენა ვერ შეძლეს.

მათ განაცხადეს, რომ ტრავმები სიცოცხლესთან შეუთავსებელი იყო.

მომხდარზე გამოძიება დაიწყო.