შინაგან საქმეთა სამინისტროს საზოგადოებასთან ურთიერთობის სამსახურის ხელმძღვანელი თეა პერტაია სოციალურ ქსელში სტატუსს აქვეყნებს:
„ესაა მკაფიო გზავნილი უცხოეთში არაკეთილსინდისიერი მიზნებით მყოფი ზოგიერთი ჩვენი თანამემამულისთვის!
საქართველოს შსს ინსტენსიურ საერთაშორისო საპოლიციო თანაშრომლობას აწარმოებს! მას აქვს მძლავრი ბერკეტი იმისთვის, რომ დადგეს სამართლიანი შედეგი, მიუხედავად დანაშაულის ჩადენის ადგილისა..." - წერს თეა პერტაია სოციალურ ქსელში.
შეგახსენებთ, რომ შინაგან საქმეთა სამინისტროს ცენტრალური კრიმინალური პოლიციის დეპარტამენტისა და იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, საქართველოს მთავარ პროკურატურასთან თანამშრომლობით, ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, გერმანიაში, ქალაქ ნიურნბერგში ჩადენილი ყაჩაღობისა და დამამძიმებელ გარემოებებში განზრახ მკვლელობისთვის ინტერპოლის მიერ წითელი ცირკულარით ძებნილი პირი, 1986 წელს დაბადებული გ.ჩ. თბილისში დააკავეს.
http://reportiori.ge/inside.php?menuid=4&id=31117