ისრაელის საჰაერო ძალები ღაზის სექტორში ტერორისტული დაჯგუფებების ინფრასტრუქტურის განადგურების კადრებს ავრცელებენ.
განადგურებულია „ჰამასის“ ბაზები, სადამკვირვებლო პუნქტები და ის ადგილები, საიდანაც ტერორისტული დაჯგუფებები ისრაელის მიმართულებით რაკეტებს უშვებდნენ. ისრაელის საჰაერო ძალებმა ასევე გაანადგურეს ტერორისტული დაჯგუფება „ჰამასის“ გვირაბი, რომელშიც დაჯგუფების მებრძოლები იმყოფებოდნენ.
ტერორისტულმა დაჯგუფებებმა ღაზას სექტორიდან ისრაელის მიმართულებით 150-ზე მეტი რაკეტა გაუშვეს.
10 მაისს იერუსალიმში პალესტინელ აქტივისტებსა და პოლიციას შორის შეტაკებები განახლდა. ისრაელის პოლიციას ტაძრის მთის ტერიტორიაზე შესვლა და სპეციალური საშუალებების გამოყენება მოუწია. ტერორისტულმა დაჯგუფება „ჰამასმა“ განცხადება გაავრცელა, რომ სარაკეტო დარტყმებს განახორციელებდა, თუ ისრაელი უსაფრთხოების ძალებს იერუსალიმიდან არ გაიყვანდა.
ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელის მთავრობა ღაზის სექტორიდან ისრაელის მიმართულებით რაკეტების გაშვებას ძალისმიერ პასუხს გასცემს.