74 წლის ეკვადორელი ქალი, რომელიც ახალი კორონავირუსის მორიგ მსხვერპლად აღრიცხეს, ცოცხალი აღმოჩნდა. ალბა მარურის ოჯახს მარტში აცნობეს, რომ ის გარდაიცვალა, მოგვიანებით კი მათ „ქალის ფერფლიც“ გაუგზავნეს, თუმცა გაირკვა, რომ საავადმყოფომ მიცვალებულების აღრიცხვისას შეცდომა დაუშვა.
BBC-ის ინფორმაციით, ქალი სამკვირიანი კომადან ცოტა ხნის წინ გამოვიდა და ექიმებს დასთან შეხვედრა სთხოვა. სწორედ ამ დროს გაირკვა შეცდომის შესახებ.