გიორგობის დღესასწაულზე გორში, გორიჯვრის ეკლესიაში ასვლა მომლოცველებს ფეხით შეეძლებათ. დილიდან ტაძარში მისასვლელი გზა ტრანსპორტისთვის დაიკეტება. ადგილზე ვითარებას საპოლიციო ძალები გააკონტროლებენ.
შიდა ქართლის გუბერნატორმა გიორგი ხოჯევანიშვილმა ადგილობრივ მოსახლეობას ქვეყანაში შექმნილი საგანგებო მდგომარეობის პირობებით დაწესებული რეკომენდაციების დაცვისკენ მოუწოდა და გიორგობის დღესასწაული მიულოცა.
„ხვალ, 6 მაისს, გიორგობას, გორიჯვრის ეკლესიისკენ ასასვლელი გზა საავტომობილო ტრანსპორტისთვის გადაიკეტება და ადგილზე მდგომარეობას საპოლიციო ძალები გააკონტროლებს. რაც შეეხება ქვეითებს, მომლოცველები ეკლესიაში ასვლას ფეხით შეძლებენ, თუმცა, ყველას მოუწევს ქვეყანაში შექმნილი საგანგებო მდგომარეობის პირობებში დაწესებული რეკომენდაციების დაცვა – ეს იქნება დისტანცია, ადამიანების შეკრების შეზღუდვა თუ დახურულ სივრცეში პირბადის გამოყენება“, – განცხადა შიდა ქართლის გუბერნატორმა.
|
პარტნიორები ქარტია ფოტო არქივი |
ბმულები რეკლამა კონტაქტი |
All rights reserved Property of Qartuliazri.ge |
|
