7 წლის წინათ, 2013 წლის 9 მაისს, მსახიობი ოთარ მეღვინეთუხუცესი 81 წლის ასაკში გარდაიცვალა.
მას არაერთი როლი აქვს ნათამაშები კინოსა და თეატრში. მეღვინეთუხუცესს ყველაზე დიდი აღიარება "დათა თუთაშხიაში" შესრულებულმა მთავარმა როლმა მოუტანა. ოთარ მეღვინეთუხუცესმა ასევე ითამაშა ფილმებში: "კეთილი ადამიანები", "ვედრება", "დიდოსტატის მარჯვენა", "ნატვრის ხე", "თეთრი ბაირაღები" და სხვა.
ის იყო საქართველოს სახალხო არტისტი, საბჭოთა კავშირის სახალხო არტისტი, მიღებული აქვს რუსთაველის სახელმწიფო, კოტე მარჯანიშვილის სახელობის და სხვა პრემიები.