„ამ დღეს თან ახლავს ტკივილი, მაგრამ თან მომავლის რწმენა. სამწუხაროდ, „ნაციონალური მოძრაობა" გაიყო", - ამის შესახებ პარტიის წევრმა ირმა ნადირაშვილმა საგანგებოდ გამართულ პრესკონფერენციაზე განაცხადა.

როგორც ნადირაშვილმა განაცხადა, იგი არ აპირებს წარსულში ყურებას და „მარილის ლოდად გადაქცევას".

„მე არ ვაპირებ, გადავიქცე მარილის ლოდად. ყოველთვის ვიამაყებ, რომ ვიყავი ამ პარტიის წევრი. ჩემს მეგობრებს წარმატებას ვუსურვებ და მინდა, ამ გაყოფით ოპოზიციური ფრონტი გაძლიერდეს", - განაცხადა ნადირაშვილმა.