2011 წელს დაწყებული შაკირას და პიკეს სიყვარულის ისტორია დასრულდა. შაკირამ ახლახანს სოციალური ქსელის სსუალებით დაადასტურა რომ მათი ურთიერთობა დასრულდა.
„გულისწყვეტით ვადასტურებთ ინფორმაციას იმის შესახებ, რომ ჩვენი გზები გაიყო, თუმცა, შვილების კეთილდღეობა ჩვენთვის მთავარ პრიორიტეტად რჩება. უმორჩილესად გთხოვთ, გაგებით მოეკიდოთ ამ საკითხს და პატივი სცეთ ჩვენს პირად სივრცეს“, აცხადებს შაკირა.
შაკირამ საყვარელი მამაკაცი სხვა ქალთან ერთად საწოლში "გამოიჭირა.“ როგორც ესპანური გამოცემა El Periodico წერს, ისინი უკვე რამდენიმე კვირაა ცალ-ცალკე ცხოვრობენ.
როგორც ცნობილი გახდა, პიკემ შაკირას თავისი ყოფილი გუნდის, „ბარსელონას“ მოთამაშის დედასთან უღალატა.
გავი 18 წლის ესპანელი ფეხბურთელია, რომელიც პიკესთან ერთად ესპანეთის ეროვნულ ნაკრებში თამაშობს. გავრცელებული ინფორმაციით, ღალატის შესახებ ინფორმაციის გავრცელების შემდეგ მან პიკეს „ინსტაგრამზე“ გამოწერა გაუუქმა.
მათივე ინფორმაციით, მას შემდეგ, რაც შაკირამ ღალატის შესახებ გაიგო, პიკე სახლიდან გააძევა. ახლა ფეხბურთელი თავისუფალი, მარტოხელა კაცის ცხოვრებით ცხოვრობს და წვეულებების ხშირი სტუმარია.
ესპანური Hola!-ის ცნობით, 28 მაისს მომღერლის სახლში სიმშვიდე არ ყოფილა. გამოცემამ გააზიარა რამდენიმე კადრი, რომელიც გადაიღეს ვარსკვლავების სახლში Esplugues de Llobregat-ში. ფოტოზე გამოსახული იყო სასწრაფო დახმარების მანქანა, რომელსაც ანერვიულებული შაკირა გადაჰყავდა. თვითმხილველების თქმით, მომღერალს ძლიერი პანიკური შეტევა დაემართა - ტირილის შეუწყვეტლად თითქოს იხრჩობოდა. ამასობაში ჟერარ პიკე სასწრაფო დახმარების მანქანასთან სერიოზული სახით იდგა. სურათებზე ასევე ჩანს მომღერლის დედა, ნიდია დელ კარმენ ტორადო, რომელიც აშკარად შეწუხებული იყო ქალიშვილის მდგომარეობით.
ახლა შაკირა უკვე უკეთ გრძნობს თავს და მეუღლის სახლში მივიდა, ცხადია, ბავშვების სანახავად.