თბილისის ოპერისა და ბალეტის სახელმწიფო თეატრის ბაღში ბალერინების ქანდაკებები დააზიანეს.

თბილისის მერიის ინფორმაციით, მომხდარზე გამოძიება უკვე დაწყებულია საქართველოს სისხლის სამართლის კოდექსის 187-ე მუხლით, რაც ნივთის დაზიანებას ან განადგურებას გულისხმობს.

თბილისის მერიის „ეკოსერვის ჯგუფმა“ რეაბილიტაციის მიზნით დაზიანებული ქანდაკებები საცავში გადაიტანა.

„უახლოეს მომავალში მოხდება შადრევნის სრული რეაბილიტაცია და ქანდაკებები ბაღს დაუბრუნდება“,-  ნათქვამია თბილისის მერიის განცხადებაში.

ამასთან, მერია მოუწოდებს მოსახლეობას, გაუფრთხილდნენ თბილისს, მის კულტურულ მემკვიდრეობასა და დედაქალაქის ინფრასტრუქტურას.