ქარელის მუნიციპალიტეტის სოფელ სამწევრისში უბედური შემთხვევა მოხდა, რასაც 60 წლამდე  კაცის სიცოცხლე ემსხვერპლა.

არსებული ცნობით,  უბედური შემთხვევა ნადირობის დროს მოხდა.

ადგილობრივი მედიის თქმით კი, კაცმა თავდაცვის მიზნით გაისროლა, რადგან მეორე კაცი დათვი ეგონა.

დაკავებული ამავე სოფლის მცხოვრებია.

გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. ისჯება თავისუფლების აღკვეთით ვადით შვიდიდან თხუთმეტ წლამდე.