ისლანდიელი მომღერალი ბიორკი ისევ თბილისშია. სოციალურ ქსელში გავრცელდა ფოტო, სადაც ცნობილი მომღერალი ქართულ ლობიოს ქოთანში მიირთმევს. ფოტოს სოლოლაკში მდებარე ერთ-ერთი ვეგეტარიანული კაფე Facebook-ის გვერდზე ავრცელებს.
თბილისში ბიორკი 12-კაციან გუნდთან ერთად გუშინ ჩამოვიდა. გუშინვე მან თბილისის საკონცერტო დარბაზში იმღერა. 3 ნოემბერს კი არტისტი თბილისის ოპერისა და ბალეტის თეატრის სცენაზე წარდგება მაყურებლის წინაშე.
ბიორკის თბილისურ კონცერტებს, საქართველოს ეროვნული სიმფონიური ორკესტრის სიმების თანხლებით, ისლანდიელი დირიჟორი ბარნი ფრიმან ბარნასონი ხელმძღვანელობს.