ქეთა თოფურია მეორე შვილს ელოდება. მომღერალი ორსულობას მალავს, თუმცა მისი ახლობლები პირად საუბრებში ამ ფაქტს ადასტურებენ. ქმართან დაშორებისა და რეპერ გუფისთან უიღბლო სიყვარულის შემდეგ, თოფურიამ წელიწადზე მეტია ახალი სიყვარული იპოვა.

მილიონერ დიპლომატ ლევ ძენგოვისა და ქეთას ურთიერთობა წელიწადზე მეტს ითვლის. წყვილმა ერთმანეთი მინსკში, ძენგოვის დაბადების დღეზე გაიცნო, სადაც ქეთა მიწვეული იყო როგორც მომღერალი.

"მისი დაბადების დღე იყო, რადგან ის ჩვენი პროდიუსერის, ბაიგალის ნაცნობია, დაბადების დღეზე დაგვპატიჟა. როდესაც დავბრუნდით, ტელეფონით დამიკავშირდა და თითქმის 24 საათი ასე ვეკონტაქტებოდით ერთმანეთს. არც მას ეძინა და არც მე. შემდეგ მოსკოვში ჩამოვიდა, შევხვდით და აქედან დაიწყო ყველაფერი, ეს არის ერთი ნახვით შეყვარება", - ასე გაიხსენა გაცნობის ისტორია ქეთამ ერთ-ერთ ინტერვიუში.

მართალია, წყვილი ოფიციალურ ქორწინებაში არ არის, მაგრამ ერთად ცხოვრობენ და როგორც ამბობენ, მალე ურთიერთობის დაკანონებასაც აპირებენ.

დიპლომატი წარსულში ორჯერ იყო დაქორწინებული. მას პირველი ცოლისგან, 2013 წელს, ვაჟი, ლეონიდი შეეძინა. მეორედ კი 2015 წელს ირინა რაკზე იქორწინა. წყვილს ჰყავდა ქალიშვილიც, რომელიც წლინახევრის ასაკში გარდაიცვალა. ირინას თქმით, ქმარმა ის მაშინ მიატოვა, როდესაც გაიგო, რომ პატარა გოგონას გადარჩენის შანსი არ იყო.

"ჩვენს პატარას 3 თვის ასაკში აცრა გავუკეთეთ და ამის შემდეგ დაიწყო პრობლემები, მან მხოლოდ 9 თვე იცოცხლა. ლევ ძენგოვი ბედნიერი იყო ჩვენთან ერთად, მაგრამ როდესაც პრობლემების წინაშე დავდექით...“ - აცხადებდა ერთ-ერთ ინტერვიუში ქალი.

ამ თემაზე ერთ-ერთ ინტერვიუში ჟურნალისტმა ქეთას კითხვა დაუსვა, თუმცა მომღერალმა საყვარელი ადამიანის წარსულზე საუბარს დიპლომატიურად აარიდა თავი.

"ეს ლევის პირადი ცხოვრებაა და ამაზე თავად უნდა გააკეთოს კომენტარი. მე მხოლოდ ის ვიცი, რომ მის ოჯახში ყველას ერთმანეთი უყვარს და არაჩვეულებრივი ურთიერთობა აქვთ ერთმანეთთან", - აღნიშნა თოფურიამ.

ზაფხულში პანდემიისა და შეზღუდვების მიუხედავად, წყვილმა სენ ტროპეზე დაისვენა, საიდანაც ქეთა ფოტოებსა და ვიდეოებს აქვეყნებდა. როგორც მომღერლის მეგობრები ამბობენ, ძენგოვი საყვარელ ქალს განსაკუთრებულ კომფორტს უქმნის და ანებივრებს. ქეთასთან ერთად ცხოვრობს დედა და მისი ქალიშვილი ოლივია, რომელიც პირველი ქორწინებიდან ჰყავს. მომღერლის პირველი ქმარი, მილიონერი ლევ გეიხმანი ამჟამად ამერიკაში ცხოვრობს და პერიოდულად შვილის სანახავად ჩადის. დაშორებულ წყვილს ერთმანეთან ცივილური ურთიერთობა აქვს.

წყარო :