ქეთა თოფურია ოჯახთან ერთად საქართველოს სტუმრობს. ქეთას მეორე ქმარი ლევ დენგოვი წყნეთში მასთან ერთად იმყოფება.

მომღერალ ქეთა თოფურიას უფროსი შვილი ოლივია გეიხმანი 6 წლის გახდა. ქეთამ გოგონას დაბადების დღე ისევ საქართველოში, წყნეთის აგარაკზე გადაუხადა, დაბადების დღის წვეულების ამსახველი ფოტოები და ვიდეოები კი ხელმომწერებს „ინსტაგრამზე“ გაუზიარა.

ქეთა საქართველოში ოჯახთან ერთად იმყოფება. ცოტა ხნის წინ მისმა მეუღლემ, ბიზნესმენმა ლევ დენგოვმა „ინსტაგრამის“ „სთორიში“ ვიდეო გამოაქვეყნა, სადაც ჩანს, როგორ წვავს აგარაკზე მწვადს.

ცნობილი ქართველი მომღერალი ქეთა თოფურია, 2005 წელს „A'Studio“-ს ვოკალისტად დამტკიცების შემდეგ, საცხოვრებლად რუსეთში გადავიდა. მომღერალმა საცხოვრებლის დიზაინი რუსეთში მოღვაწე ქართველ დიზაინერს ლელა ქავთარაძეს მიანდო, მოგვიანებით წყნეთის სახლიც ლელა ქავთარაძეს ააშენებინა, რომელიც წლებია რუსეთში მოღვაწეობს და იქ საკმაოდ წარმატებულ დიზაინერად მიიჩნევა.

ქეთა თოფურია ამჟამად მეორე მეუღლესთან, ბიზნესმენ ლევ დენგოვთან, ახალშობილ ადამთან და ოლივიასთან ერთად ცხოვრობს მოსკოვის გარეუბანში, ფეშენებელურ სახლში, ხოლო ზაფხულობით წყნეთის აგარაკს სტუმრობს.