დაავადებათა კონტროლის ეროვნული ცენტრის გენერალური დირექტორის მოადგილე პაატა იმნაძემ იმ თეორიებზე ისაუბრა, რომელზეც მსოფლიოში კორონავირუსის წინააღმდეგ საბრძოლველად მსჯელობა მიმდინარეობს.
იმნაძის ინფორმაციით, ამერიკელი მეცნიერების თეორიის მიხედვით, წითურას ვაქცინა ამ ვირუსისგან იცავს.
„მიმდინარეობს ეპიდემოლოგიური კვლევები. არის ძალიან ბევრი მოსაზრება და თეორია გამოთქმული. ამერიკელი მეცნიერების ერთ-ერთი თეორიის მიხედვით, წითურას ვაქცინას შეუძლია დაიცვას ამ დაავადებისაგან, ეს არასპეციფიკურად. არის ასეთი მოსაზრება, იმიტომ რომ ბავშვები ნაკლებად ავადობენ, ბავშვებში, პრაქტიკულად, საერთოდ არ არის მძიმე შემთხვევები, ასევე ახალგაზრდებში, მაშინ როდესაც უმრავლესობა შემთხვევების, რომელიც გარდაცვლილია, არის 70 წელს გადაცილებული ადამიანები, რომელთაც ჯანმრთელობის სხვა პრობლემებიც აქვთ. კიდევ ერთხელ ვიმეორებ, ეს ყველაფერი ჯერ არ არის მეცნიერული მტკიცებულებებით გამყარებული“, - განაცხადა პაატა იმნაძემ.
შეგახსენებთ, რომ კორონავირუსის გამო, რომელიც ჩინეთის ქალაქ უხანიდან გავრცელდა, ჯანდაცვის მსოფლიოს ორგანიზაციამ საერთაშორისო მნიშვნელობის საზოგადოებრივი ჯანმრთელობის განსაკუთრებული მდგომარეობა გამოაცხადა.
|
პარტნიორები ქარტია ფოტო არქივი |
ბმულები რეკლამა კონტაქტი |
All rights reserved Property of Qartuliazri.ge |
|
