„ქართული ოცნების" წევრი ოთარ აბესაძე სოციალურ ქსელში თსუ-ს საახალწლო წვეულებასთან დაკავშირებით წერს. Facebook-ის მომხმარებელები განათლების მინისტრის, ალექსანდრე ჯეჯელავას აღნიშნული წვეულების ფოტოალბომს აზიარებდნენ და წერდნენ, რომ „მაშინ როცა უნივერსიტეტის ზოგიერთ აუდიტორიაში ყინავს, ზოგ კორპუსში წყალი ჟონავს ანდა იატაკში ფეხი გივარდება, მსგავს კორპორატიულ წვეულებებზე იხარჯება სავარაუდოდ სტუდენტების / სახელმწიფოს ფული". აღნიშნულ განცხადებას აბესაძე შემდეგი კომენტარით ეხმაურება:

„თანხა თანამშრომლებმა ააგროვეს. მეც მათშორის. როდესაც დაიგეგმა ეს საღამო ყველა მსურველმა აბსოლუტურად რექტორით დაწყებული, ჩემით გაგრძელებული და ნარმანიათი დამთავრებული, ვინც კავშირშია თსუ-თან, ყველამ კონკრეტული თანხა დავდეთ ჩვენი ხელფასიდან..." , - წერს აბესაძე.