„უფლებადამცველთა გაერთიანების" თავმჯდომარე ნიკოლოზ მჟავანაძე საქართველოს შინაგან საქმეთა სამინისტროს მიმართავს და facebook-ის საკუთარ გვერდზე ძაღლების ჩხუბის ვიდეოს აქვეყნებს:

„საქართველოს შინაგან საქმეთა სამინისტრო დაუყოვნებლივ დაიწყეთ გამოძიება სისხლის სამართლის კოდექსის 259 -ე მუხლით. სახეზეა დანაშაული, რომლის დამადასტურებელი მტკიცებულებაც სახეზეა.

მუხლი 259. ცხოველისადმი სასტიკი მოპყრობა

1. ცხოველისადმი სასტიკი მოპყრობა, რამაც მისი დაღუპვა ან დასახიჩრება გამოიწვია, აგრეთვე ცხოველის წვალება, - ისჯება ჯარიმით ან გამასწორებელი სამუშაოთი ვადით ერთ წლამდე.

2. იგივე ქმედება, ჩადენილი:

ა) ჯგუფურად;

ბ) არაერთგზის;

გ) მცირეწლოვნის თანდასწრებით, - ისჯება ჯარიმით ან თავისუფლების აღკვეთით ვადით ორ წლამდე" ,- წერს მჟავანაძე.