მსახიობი თემურ გვალია სოციალურ ქსელში რეჟისორ მიხეილ თუმანიშვილის დაბადების დღესთან დაკავშირებით სტატუსს აქვეყნებს:

„უბედნიერესი ადამიანი ვარ, რომ მყავდა ისეთი პედაგოგი, როგორიც იყო მიხეილ თუმანიშვილი. ბევრი რამ მინდა დავწერო, მაგრამ მხოლოდ ერთს ვიტყვი: დიდი მადლობა ყველაფრისთვის, ბატონო მიხეილ...

დღეს, 6 თებერვალს, ბატონი მიხეილ თუმანიშვილის დაბადების დღეა...

ვულოცავ მთელ საქართველოს... თეატრალურ საზოგადოებას, მისი სახელობის თეატრს და ყველას, ვისაც იქ უმუშავია თუ დღესაც მუშაობს. მის ოჯახს, ნათესავებსა და მეგობრებს..." - წერს თემურ გვალია.