“საქართველოს სუნთქვაშემკვრელ პეიზაჟებს მხოლოდ მისი ისტორიულ-კულტურული სიმდიდრე და ქართველი ხალხის სტუმართმოყვარეობა თუ შეედრება,” - ამ სიტყვებით ახასიათებს ჩვენი ქვეყნის ბუნებას და ხალხს აშშ-ის ელჩის მოვალეობის შემსრულებელი ელიზაბეთ რუდი და საქართველოში დასვენების მხარდამჭერ კამპანიას უერთდება.
„ყველაზე მეტად საქართველოს ბუნებრივი სილამაზე მიყვარს. საქართველოს სუნთქვაშემკვრელ პეიზაჟებს მხოლოდ მისი ისტორიულ-კულტურული სიმდიდრე და ქართველი ხალხის სტუმართმოყვარეობა თუ შეედრება. მოდით, გაატარეთ ზაფხული საქართველოში და თავად დარწმუნდით!” – წერს ელიზაბეთ რუდი საქართველოში აშშ-ის საელჩოს ოფიციალურ გვერდზე.
პუტინის გადაწყვეტილების შემდეგ სოციალურ ქსელებში საქართველოს ტურიზმის მხარდამჭერი კამპანია დაიწყო, რასაც საქართველოზე შეყვარებული არაერთი უცხოელი შეუერთდა.