„რუსთავი 2" არ არის ობიექტური მედია. ისინი ამოფარებულები არიან პოლიტიკური მოტივებით ანგაჟირებულ კრიტიკას და ამით სპეკულირებენ საზოგადოებაში",- ამის შესახებ საპარლამენტო უმრავლესობის წევრმა ზაქარია ქუცნაშვილმა განაცხადა. ქუცნაშვილის განცხადებით, ტელეკომპანია „რუსთავი 2" ფაქტებს აყალბებს.

„რა ობიექტური ტელევიზია ეგ არის?! ეს არის პარტიული ტელევიზია, რომელიც ფაქტებს აყალბებს! თქვენი მთლიანი პოლიტიკური დავალება მდგომარეობს ერთ რამეში - გვარამიამ მოგცათ დავალება, რომ ჩაწეროთ პოლიტიკოსები ცუდი ათქმევინოთ, სტრასბურგზე და მერე გადააგზავნოთ", - განაცხადა ქუცნაშვილმა.