„რამდენიმე კვირის წინ მქონდა შესაძლებლობა შევხვედროდი მადრიდში ჩემს ქართველ კოლეგას. გადავეცი მას ჩვენი გზავნილი, რომ რა თქმა უნდა მათი ევროპული გზა ევროპულ ოჯახში უნდა დასრულდეს“, - ამის შესახებ ესპანეთის საგარეო საქმეთა მინისტრმა ალბარეს ბუენომ ბრიუსელში განაცხადა. მისი თქმით, ის ამ გზავნილს დღესაც გაიმეორებს.

„ძალიან მნიშვნელოვანია ახლა შეხვედრა, 6 თვე გვაშორებს ესპანეთის თავმჯდომარეობამდე ევროპულ საბჭოში. მნიშვნელოვანია აღმოსავლეთ პარტნიორებთან დიალოგი, რათა კარგად მოვემზადოთ მომავალი ნაბიჯებისთვის. ძალიან ნათელია, რომ ევროპულ ოჯახში ადგილია მათთვის“, - განაცხადა ბუენომ.

დღეს ბრიუსელში აღმოსავლეთ პარტნიორობის ქვეყნებს საგარეო საქმეთა მინისტრების შეხვედრა გაიმართება.