„ის ხალხი, იქნებიან ეს ოპოზიციონერი პოლიტიკოსები, თუ ახლა ახლად გამოჩეკილი ჩინეთის „ექსპერტები“, რომლებთანაც აქამდე ერთი წუთითაც არ უმუშავიათ და ერთი სტატიაც არ წაუკითხავთ, ახლა ჩინეთზე საუბრობენ, ეს ხალხი თუ ვერ ხვდება, რა მნიშვნელობა აქვს ამ სტრატეგიულ ურთიერთობას, საერთოდ გამოსაჩენი არ არის არც პოლიტიკაში და არც საექსპერტო წრეებში“, – ამის შესახებ პარლამენტის თავმჯდომარემ, შალვა პაპუაშვილმა განაცხადა.

პაპუაშვილის თქმით, წლებია, საქართველოს ჩინეთთან ძალიან მყარი ურთიერთობა აქვს.

„ჩვენ როდესაც ვსაუბრობთ საქართველოს ახალი როლის გაძლიერებაზე, რომელიც გახლავთ შუა დერეფნის ნაწილი, სწორედ აქ გადამწყვეტი მნიშვნელობა აქვს ასევე ჩინეთს. როდესაც ვსაუბრობთ ტრანსპორტირებაზე სხვადასხვა საქონლისა თუ ა.შ. რა თქმა უნდა ჩინეთი არის ის ქვეყანა, რომელსაც შეუძლია, ეს სატრანსპორტო დერეფანი დატვირთოს. ამიტომ, მნიშვნელოვანი არის, რომ ერთ-ერთი, თუ არა მთავარი მოთამაშე შუა დერეფნის გამოყენების და დატვირთვის საკითხში გახლავთ უკვე ჩვენი სტრატეგიული პარტნიორი. ის ხალხი, იქნებიან ეს ოპოზიციონერი პოლიტიკოსები თუ ახლა უკვე ახლად გამოჩეკილი ჩინეთის „ექსპერტები“, რომლებთანაც აქამდე ერთი წუთითაც არ უმუშავიათ და ერთი სტატიაც არ წაუკითხავთ, ახლა ჩინეთზე საუბრობენ. ეს ხალხი თუ ვერ ხვდება, რა მნიშვნელობა აქვს ამ სტრატეგიულ ურთიერთობას, საერთოდ გამოსაჩენი არ არის არც პოლიტიკაში და არც საექსპერტო წრეებში. არც ცოდნა ყოფნით და არც კომპეტენცია, რომ ამ საკითხზე ისაუბრონ, დგანან ახლა და რაღაც წინადადებებს ეძიებიან. ვნახეთ, როგორი იყო ჩვენი მთავრობის მიღება, წლებია, ჩვენ უკვე გვაქვს ძალიან მყარი ურთიერთობა ჩინეთთან, გვაქვს თავისუფალი ვაჭრობის შეთანხმება და ამ კუთხით ვართ ერთ-ერთი უნიკალური ქვეყანა, რომელსაც ერთდროულად თავისუფალი ვაჭრობის შეთანხმება აქვს ევროკავშირთანაც და ჩინეთთანაც, რაც დამატებით ღირებულებას მატებს ჩვენს ქვეყანას“, – განაცხადა პაპუაშვილმა.