„სალომე ზურაბიშვილის იმპიჩმენტი უკვე შედგა ქართული საზოგადოებისთვის, პირველ რიგში მისი ამომრჩევლებისთვის“, - ამის შესახებ კინორეჟისორმა გოგა ხაინდრავამ გადაცემაში „იმედი LIVE“ განაცხადა. მისი თქმით, ისინი, ვინც პრეზიდენტს დღეს გვერდში უდგანან, მანამდე მას „ადამიანად არ თვლიდნენ“.

„ჩემთვის, როგორც მისი მხარდამჭერისთვის, აღარანაირი კითხვა აღარ არსებობს. მით უმეტეს, ეს ისეთი მარტივი თემაა, თვითონ იმდენჯერ დაადასტურა, რომ დაარღვია კონსტიტუცია და ეს განზრახ და შეგნებულად იყო გაკეთებული, რომ კითხვის ნიშნები აღარ არის“, - მიიჩნევს ხაინდრავა.