პრემიერლიგაში თებერვლის შედეგები შეაჯამეს და ლონდონის „არსენალის“ დამრიგებელი თვის საუკეთესო მწვრთნელად აღიარეს.

გასულ თვეს „არსენალმა“ ინგლისის ჩემპიონატში ოთხი მატჩი გამართა და ოთხივეჯერ გაიმარჯვა, ბურთებს შორის სხვაობამ კი +16 გოლი შეადგინა.

პრემიერლიგის მიმდინარე სეზონში მიკელ არტეტას შეგირდები სატურნირო ცხრილში მესამე ადგილზე არიან და პირველ პოზიციაზე მყოფ „ლივერპულს“ მხოლოს ორი ქულით ჩამორჩებიან.

მომდევნო მატჩს ლონდონის „არსენალი“ ხვალ, 9 მარტს გამართავს და „ბრენტფორდს“ უმასპინძლებს.