დღეს ქართველ მოციგავეს ნოდარ ქუმარიტაშვილს 30 წელი შეუსრულდებოდა.

„ნოდარი შრომისმოყვარე, ნიჭიერი, მიზანდასახული, მრავალმხრივად განათლებული ახალგაზრდა გახლდათ. საქართველოს ოლიმპიური გუნდის გამორჩეული და საოცარი პერსპექტივის მქონე სპორტსმენი. მას ნამდვილად დიდი მომავალი ექნებოდა, რომ არა ვანკუვერის 2010 წლის ზამთრის XXI ოლიმპიური თამაშებზე მომხდარი ტრაგიკული საბედისწერო შემთხვევა. მომხდარმა ტრაგედიამ შეძრა მთელი მსოფლიო, თამაშების გახსნის ოფიციალური ცერემონიის დაწყებამდე რამდენიმე საათით ადრე, 12 თებერვალს უისტლერის საციგაო ტრასაზე საცდელი დაშვებისას ქართველი მოციგავე ნოდარ ქუმარიტაშვილი ფატალურ შემთხვევას ემსხვერპლა.

ნოდარ ქუმარიტაშვილის სახელის უკვდავსაყოფად და მისი ხსოვნისადმი პატივის მისაგებად საქართველო და საერთაშორისო ოლიმპიური მოძრაობა მუდამ ერთსულოვანი იქნება”, - აცხადებენ საქართველოს ეროვნულ ოლიმპიურ კომიტეტში.

2010 წელს, ვანკუვერის ზამთრის 21-ე ოლიმპიური თამაშების გახსნის ოფიციალურ ცერემონიამდე რამდენიმე საათით ადრე ქართველი მოციგავე საცდელ ტრასაზე დაშვებისას ფატალურ შემთხვევას ემსხვერპლა.