„ბარსელონას“ მთავარი მწვრთნელის რონალდ კუმანის აზრით, მისი გუნდი ჩემპიონთა ლიგის მერვედფინალურ შეხვედრას „პარი სენ-ჟერმენის“ წინააღმდეგ კარგ ფორმაში ხვდება.

კატალონიურმა კლუბმა ლა ლიგის წინა ტურში „ალავესი“ დიდი ანგარიშით 5:1 დაამარცხა. მესის და ტრინკაოს დუბლებთან ერთად თავი ჯუნიორ ფირპომ გამოიჩინა.

„დარწმუნებულები ვართ, რომ „პსჟ“-სთან მოგება შეგვიძლია. მათ ტრავმირებული მოთამაშეები ჰყავთ, ისევე როგორც ჩვენ. შესაბამისად, შეხვედრა თანაბარი იქნება. უნდა ვითამაშოთ კარგად, რომ შემდეგ ეტაპზე გავიდეთ. ჩვენ კარგ ფორმაში ვართ და ​მოგებების კარგი სერია გვაქვს“, – განაცხადა კუმანმა პრესკონფერენციაზე.

„ბარსელონასა“ და „პარი სენ-ჟერმენს“ შორის პირველი შეხვედრა 17 თებერვალს გაიმართება.

წყარო :