ისრაელის პრემიერ-მინისტრის, ბენიამინ ნეთანიაჰუს განცხადებით, ისრაელის შეიარაღებული ძალები მზად არიან, იმოქმედონ რაფაჰში და მშვიდობიანი მოსახლეობის ევაკუაცია განახორციელონ.

„ამას გარკვეული მომზადება სჭირდება, თუმცა დიდი დრო არ დასჭირდება. ვერაფერი შეგვაჩერებს, ვერც აშშ-ის ზეწოლა. თუ საჭირო გახდება, ფრჩხილებით ვიბრძოლებთ“, – განაცხადა ბენიამინ ნეთანიაჰუმ.

ისრაელის პრემიერ-მინისტრმა არჩევნების ჩატარების შესახებაც ისაუბრა და განაცხადა, რომ ეს ქვეყნის პარალიზებას გამოიწვევს.