აშშ-ის პრეზიდენტმა დონალდ ტრამპმა „როიტერსთან“ ექსკლუზიურ ინტერვიუში განაცხადა, რომ თეთრი სახლის ადმინისტრაციის უფროსის პოსტზე 10-12 კანდიდატი ჰყავს.
ტრამპის თქმით, მან რაც შეიძლება სწრაფად უნდა იპოვოს კელის შემცვლელი.
„უამრავი კანდიდატი მყავს, თუმცა, ყველასთან გასაუბრებას ვერ შევძლებ“, - განაცხადა დონალდ ტრამპმა.
მისივე თქმით, შერჩეული კანდიდატი უნდა იყოს ისეთი, რომელსაც კარგად შეეწყობა.
თეთრი სახლის ადმინისტრაციის პოსტს ამჟამად ჯონ კელი იკავებს, რომელიც ახალი წლიდან თანამდებობის დატოვებას გეგმავს.