დღეს დედამიწის დღეა. ეს არის ყოველწლიური ღონისძიება, რომელიც 22 აპრილს აღინიშნება. ის პირველად 1970 წელს აღნიშნეს, დღესდღეობით კი მსოფლიო მასშტაბითაა კოორდინირებული და ყოველწლიურად 193-ზე მეტი ქვეყანა ზეიმობს.
2016 წლის დედამიწის დღეზე ამერიკის შეერთებული შტატების, ჩინეთის და სხვა 120 ქვეყნის მიერ ხელი მოეწერა ისტორიული მნიშვნელობის მქონე „პარიზის შეთანხმებას“, რის შედეგადაც უნდა ამოქმედდეს ისტორიული - კლიმატის დაცვის შეთანხმება, რომელიც 2015 წლის გაეროს კლიმატის ცვლილების კონფერენციის მონაწილე 195 სახელმწიფომ დადო პარიზში.
აშშ-ის კოსმოსურმა სააგენტომ ინტერნეტში ფლეშმობი #PictureEarth დაიწყო და საზოგადოებას სთხოვს, გააზიაროს გარემოს ფოტოები.