პაკისტანში, პენჯაბის პროვინციაში სამგზავრო და სატვირთო მატარებლების შეჯახებას სულ მცირე 9 ადამიანის სიცოცხლე ემსხვერპლა, 67 დაშავდა.
„Geo TV“-ის ინფორმაციით, სამგზავრო მატარებელი დიდი სიჩქარით ქალაქ რახიმიარ-ხარში მდგარ სატვირთო მატარებელს შეეჯახა.
დაშავებულთა შორის 9 ქალია და 11 ბავშვი.
ადგილობრივი ხელისუფლება არ გამორიცხავს, რომ დაღუპულთა რიცხვმა შესაძლოა გაიზარდოს.
მომხდარის გამოძიება დაწყებულია.