თურქეთსა და საბერძნეთში ძლიერი მიწისძვრა მოხდა. მიწისძვრის ეპიცენტრი ეგეოსის ზღვაში მდებარეობდა. ეპიცენტრში მაგნიტუდამ 6,6 შეადგინა. ამის შესახებ Anadolu იუწყება.
თურქული მედიის ცნობით, ქალაქ იზმირში რამდენიმე საცხოვრებელი სახლი დაზიანდა. მიწისძვრა სტამბულშიც იგრძნობოდა.
მსხვერპლის შესახებ ინფორმაცია ჯერჯერობით არ ვრცელდება. ინტერნეტში მიწისძვრის მომენტის ამსახველი კადრები გავრცელდა.