რუსეთის საჰაერო ძალების „ტუ 160“-ის ტიპის სტრატეგიულ ბომბდამშენებს ნორვეგიის „ეფ-16“-ის ტიპის ავიაგამანდგურებლები აედევნენ.

რუსული მედიის ინფორმაციით, ორი სამხედრო თვითმფრინავი ბარენცისა და ნორვეგიის ზღვების თავზე ნეიტრალურ ზონაში გეგმურ ფრენას ახორციელებდა, რომელსაც თან ახლდნენ რუსეთის ჩრდილოეთის ფლოტის სამხედრო საჰაერო ძალების „მიგ 31“-ის ტიპის სამხედრო თვითმფრინავები.

რუსეთის თავდაცვის სამინისტროს ინფორმაციით, რვა საათიანი ფრენის დროს, ერთ-ერთ მონაკვეთზე რუსული სამხედრო თვითმფრინავები ნორვეგიის სამხედრო საჰაერო ძალების თვითმფრინავებმა გააცილეს.