ენტონი ბლინკენის თქმით, ნატოს წევრმა ქვეყნებმა „მწვანე შუქი“ მიიღეს უკრაინისთვის საბრძოლო თვითმფრინავების მიწოდებაზე. ამის შესახებ აშშ-ის სახელმწიფო მდივანმა CBS News-სთან ინტერვიუში განაცხადა.

მან აღნიშნა, რომ აშშ და მოკავშირეები აგრძელებენ ძალისხმევას დაეხმარონ უკრაინას რუსეთისგან თავის დაცვაში. კითხვაზე შეუძლია თუ არა პოლონეთს - ნატოს წევრ ქვეყანას - უკრაინაში თვითმფრინავები გაგზავნოს ბლინკენი ასე პასუხობს.

„მწვანე შუქი“ აქვთ. ჩვენს პოლონელს მეგობრებს ახლა იმაზე ვესაუბრებით თუ რა შეგვიძლია გავაკეთოთ მათი საჭიროებების დასაკმაყოფილებლად იმ შემთხვევაში თუ გადაწყვეტენ საკუთარი საბრძოლო თვითმფრინავები უკრაინელებს გადასცენ“, - განმარტა ბლინკენმა.