დუბაიში, სამუშაო ვიზიტის ფარგლებში,  კულტურის კომიტეტის თავმჯდომარე ელისო ბოლქვაძე არაბთა გაერთიანებული საემიროების ეროვნული ფედერალური საბჭოს კულტურის, განათლების, მეცნიერებისა და სპორტის კომიტეტის თავმჯდომარეს ადნან ჰამად ალ ჰამადის შეხვდა.

შეხვედრაზე კულტურის მიმართულებით ორი ქვეყნის პარლამენტის ურთიერთობების გაღრმავებაზე ისაუბრეს.  ასევე იმსჯელეს არაბთა გაერთიანებული საემიროების საგანმანათლებლო სისტემის, კულტურის სფეროს მარეგულირებელი კანონმდებლობისა და მიმდინარე პროექტების შესახებ.