ბათუმში, შპს „სანიტარული დასუფთავების“ მანქანა ქვეითს დაეჯახა. შემთხვევა კობალაძის ქუჩაზე დილის 7:00 საათზე მოხდა. 80 წლამდე ქალი ადგილზე გარდაიცვალა.

„მძღოლი პოლიციაში თავისი სურვილით გამოცხადდა და ახლა გამოკითხვაზე იმყოფება. კადრებში ნათლად არ ჩანს, დაეჯახა თუ უკვე გარდაცვლილს გადაურა. ცხედარი მოულოდნელად გაჩნდა“, - განაცხადა „სანდასუფთავების“ მონიტორინგის სამსახურის უფროსმა შოთა თოდაძემ.

„სანდასუფთავების“ უფროსის დავით დუმბაძის განცხადებით, მძღოლმა დილით შემოწება გაიარა და ფხიზელი იყო.

„მძღოლი დამიკავშირდა და მითხრა, ქალი შემომივარდაო“, - განაცხადა დუმბაძემ.

შინაგან საქმეთა სამინისტროს ცნობით, საქმეზე გამოძიება სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.