ამერიკელმა მომღერალმა, მადონამ პრინც ჰარის და მის მეუღლეს, მეგან მარკლს, საცხოვრებლად ნიუ-იორკში საკუთარი ბინა შესთავზა.

„არ გაიქცეთ კანადაში, იქ მოსაწყენია. შემიძლია ზემო უესტ-საიდში ჩემი ბინა მოგაქირაოთ. მასში ორი საძინებელია, ფანჯრებიდან კი, მანჰეტენის საუკეთესო ხედია, აივანიც არის. ეს საუკეთესო წინადადებაა“, – აღნიშნულია მომღერლის მიერ გავრცელებულ განცხადებაში.
შეგახსენებთ, რომ 20 იანვარს პრინცი ჰარი და მისი მეუღლე საცხოვრებლად ვანკუვერში გადავიდნენ.