„ექიმების შემდეგ, ახლა უკვე მასწავლებლები გვაძლევენ მაგალითს, რა შეუძლიათ, როცა ქვეყანა გამოწვევის წინაშეა!“ - ამის შესახებ საქართველოს პარლამენტის თავმჯდომარე არჩილ თალაკვაძე „ფეისბუქის“ საკუთარ გვერდზე წერს.

პარლამენტის თავმჯდომარის განცხადებით, ის თავისი ხელფასის 2/3-ს უზურგეთელ ბავშვებს გაუგზავნის ინტერნეტბარათების შესაძენად.

„პატარა მოქალაქეებსაც აქვთ თავისი მზადყოფნა ამ ვითარებაში! ანა ბეატრისი და ბევრი მისი მეგობარი, მთელი ქვეყნის მასშტაბით, დისტანციურად ესწრება გაკვეთილებს.

ექიმების შემდეგ, ახლა უკვე მასწავლებლები გვაძლევენ მაგალითს, რა შეუძლიათ, როცა ქვეყანა გამოწვევის წინაშეა!

ამ თვეში ჩემი ხელფასის 2/3-ს ჩემს მაჟორიტარულ ოლქს ოზურგეთს ვუგზავნი, რომ ბავშვებს, ვისაც წვდომა სჭირდება ინტერნეტზე - მობილური ინტერნეტბარათები ვუყიდოთ“, - წერს არჩილ თალაკვაძე.