პირველი საუნივერსიტეტო კლინიკიდან, კორონოვირუსით ინფიცირებული 24 კვირის ორსული გამოჯანმრთელდა. პაციენტი კლინიკიდან დღეს გაწერეს.

კლინიკის ოფიციალური გვერდი აქვეყნებს ვიდეოს, როგორ დაემშვიდობნენ ექიმები პაციენტს.

„ასე ამაღელვებლად  დაემშვიდობა პირველი საუნივერსიტეტო კლინიკა და  პერინატალური დეპარტამენტი საქართველოში  covid19 -ით ინფიცირებულ პირველ 24 კვირის ორსულს , რომელიც 2020 წლის 26 მარტს  საუნივერსიტეტო კლინიკაში შემოვიდა საკმაოდ მძიმე კლინიკური ნიშნებით . ორსული სრულად გამოჯანმრთელდა, ნაყოფის მდგომარეობა დამაკმაყოფილებელია. ექიმებმა შეუძლებელი შეძლეს,“ - ნათქვამია კლინიკის განცხადებაში