პრემიერ-მინისტრის მრჩეველმა, ირაკლი ჩიქოვანმა მოსახლეობას საქართველოს მტავრობის გადაწყვეტილება გააცნო და განაცხადა, რომ ხვალიდან შეზღუდვები მკაცრდება.
„ვიღებთ გადაწყვეტილებას დაწესებული ზომების გამკაცრების შესახებ. ხვალ დღის 12:00 საათიდან 21 აპრილამდე ქვეყანაში სრულად იკრძალება მსუბუქი ავტომობილებით გადაადგილება. შეზღუდვა არ ვრცელდება სადისტრიბუციო და გადამზიდავ ავტომანქანებზე.
ხვალიდან სავალდებულო ხდება პირბადეების ტარება დახურულ სივრცეებში. შეზღუდვები წესდება სასაფლაოებზე შესვლასთან დაკავშირებით.“- განაცხადა ჩიქოვანმა და მოსახლეობას მოუწოდა, შეზღუდონ ყველანაირი გადაადგილება მკაცრი საჭიროების გარდა.