ავსტრალიელ მსახიობ ჰიუ ჯეკმანს კორონავირუსი დაუდასტურდა. ამის შესახებ The Hollywood Reporter-ი წერს.

გამოცემის ინფორმაციით, მსახიობს გაციების მსგავსი სიმპტომები აქვს და მკურნალობას სახლში გადის. ჯეკმანის დიაგნოზის გამო ბროდვეიზე მისი მონაწილეობით მიუზიკლის The Music Man წარმოდგენები გადაიდო.

„თავს კარგად ვგრძნობ და ყველაფერს ვაკეთებ იმისთვის, რომ რაც შეიძლება სწრაფად გამოვჯანმრთელდე და სცენაზე დავბრუნდე“, - განაცხადა მსახიობმა სოციალურ ქსელში გამოქვეყნებულ მიმართვაში.