ჟურნალისტი ლალი მოროშკინა სოციალურ ქსელში გვიზიარებს ამბავს იმის შესახებ, თუ როგორ იპოვა მისმა ძმამ ლალის დისერტაცია, რომელზეც ის 1999 წელს მუშაობდა:
„ჩემმა ძმამ სახლში რემონტი წამოიწყო და ამ სქელტანიან „პაპკას“ წააწყდა, მერე მე დამირეკა, მოდი შენი დისერტაცია ვიპოვეო...
დიახ, 1999 წელს უნივერსიტეტში, 29 წლის ასაკში, ასპირანტურის დამთავრებისთანავე დისერტაციას ვიცავდი.
არცერთ ჟურნალისტს არასოდეს არ უკითხავს დისერტაციის თემა, არადა რამდენჯერ ჩამკითხვიან პირად ცხოვრებაზე...
"მხატვრული ნაწარმოების აგებულება, ბულგაკოვის "ოსტატი და მარგარიტას" მიხედვით"-აი ამას შევეჭიდე და ბეჭებზეც დავდე!
ეს ახლა გახდა მოდური "ოსტატობა", მაშინ კი მხოლოდ გადაბეჭდილი ვერსიები გვქონდა წაკითხული და მე მეყო გამბედაობა ბულგაკოვისეულში უფრო ღრმად ჩამეტვრიტა ... მოგვიანებით, 2011 წელს გამოვა Ჩემი წიგნი "გისოსებს მიღმა საქართველოა" , სადაც მე თხრობის და დროში მოგზაურობის დიდი მაესტროს მეთოდს გამოვიყენებ.
ჩემს 8 წიგნში ეს ნაწარმოებია მიჩნეული ყველაზე მაღალ, ლიტერატურულ სტანდარტად.
ასე, დილაუთენია ცოტა წავიტრაბახე კიდეც
... ხელნაწერები არ იწვის...
პროფესორი ლ.ვ.მოროშკინა
P.S.იმ წელს კიდევ ერთი დისერტაცია დავიცავი, მეორე ბიჭის დედა გავხდი. ჩემი 999" - წერს მოროშკინა.