ევროკავშირის უმაღლესი წარმომადგენელი, ჟოზეფ ბორელი სოციალურ ქსელში მოსკოვის ოლქის ქალაქ კრასნოგორსკში, „კროკუს სითი ჰოლის“ საკონცერტო დარბაზში მომხდარ ტერაქტს ეხმიანება.
„მკაცრად ვგმობ მოსკოვში მომხდარ საშინელ თავდასხმას. კიდევ ერთხელ ტერორიზმის სამიზნედ დაუცველი ადამიანები იქცნენ. საერთაშორისო საზოგადოებამ უნდა გააერთიანოს ძალისხმევა ტერორიზმთან ბრძოლაში“, - წერს ბორელი.