1945  წლის 19 თებერვალს დუშეთის რაიონის სოფელ დათვისში დაიბადა მწერალი, პუბლიცისტი, ფილოლოგი კობა არაბული.

ხედვა

შენ ჩასახული არ იყავი დედის მუცელში -
როცა მე კოშკებს ვაშენებდი
და ქვებს ვაწყობდი!
მე შენ გიცნობდი
და ჩემ თვალწინ იდგა უცვლელი:
გარდასულიდან შემოსული - 
დრო აქ ნამყოფი...

შენ ჯერ შობილი არ იყავი,
მზეზე მოსული: -
როცა მე ბეჭში
მისტერიის ღამეს ვლანდავდი ...
ქადას მიჭრიდა
სასთუმალთან მჯდარი ქადაგი:
ეს ქალდეველი მისტიკოსი - 
ჩემი მისანი...

უპროპორციოდ ჩანდა დროში ჩემი ნახატი,
ზიკურატები გადახსნილი
მრუდე კოსმოსში...
ჩარჩენილიყო ცრემლიანი ჩემი ნათიბი - 
მზე, მოაჯირზე ჩაფენილი
ქალის ქათიბში...
.....
ჟღერდა პლანეტა, როგორც დედო ზარი სამების - 
მაჟრიალებდა ხმა ვარსკვლავთა ყელსაბამების...

/კობა არაბული/