„მამობამ ძალიან შემცვალა. ახლა ჩემთვის ყველაზე პრიორიტეტული შვილია. სესილია სამი წლის და ექვსი თვისაა", - ამის შესახებ თეატრმცოდნე ნიკოლოზ წულუკიძემ ჟურნალ „სარკესთან" ინტერვიუში განაცხადა და ოჯახის შესახებ ისაუბრა.

„არ ვიცი, მგავს თუ არა, მაგრამ ჯობია, ვიზუალურად დედას ჰგავდეს. ხანდახან ჩემს გარკვეულ თვისებებს თუ აიღებს, შეიძლება გამოადგეს ცხოვრებაში.

მე და თეკლამ ერთმანეთისგან ვისწავლეთ ის, რომ არ უნდა ვცადოთ ერთმანეთის შეცვლა. ადამიანი ისეთი უნდა მიიღო, როგორიც არის.

ორივე დაკავებულები ვართ. ის საბანკო სექტორშია, მე - ხელოვნების სივრცეში და ვართ ასე ბედნიერად. მშვიდად და სტაბილურად ვცხოვრობთ", - განაცხადა ნიკა წულუკიძემ.